37 Koropiloa

                                                                         Koropiloa

Izpirituak garunetan ez du bizitoki

berexita daude,

izpirituaren ibilera ez da muinetan isladatzen

bizi desberdinetakoak baitira,

garunak usteltzean izpirituak bere bidea jarrai litekeela

badakit, ez fededuna naizelako,

mamuetan sinisten dudalako baizik,

gorputzik gabe airetan doazten mamu izpiritualetan,

inguruan ditugun dantzari hegaldari zehargietan,

topagune lainotsuan,

igerikan dabilen agurketa supremoan.

Bizia eman didatenak ezagutuko ditut! Ziur!

Zer arrazoina luke hain aberatsa den gizakiari ez balitzaio azken aukera hori ematen

heriotzaren ondoko aukera, garunaren zentzua ezagutzea,

maite izan ditugunak betiko aurkitzea,

izanen direnaren jatorria azaltzea

eta aurpegi bizia ematea.

Nere baitan askazia eta iturburua lot zitzakeen lokarria koropilatu nahi nuke

bat egin dezaten

desegin ez zitzakeen itsas neurriaz

Darwin, Noe, de Kooning, Mitchell eta hausleak nerekin bat osa zaitzaten

desorekaren maisuak enekin egon daitezen

muinek iraganarekin dantza egin dezaten

izpirituak geroarekin kantuz ari daitezen

elkarrekin bat egin dezaten. Betiko

Hori al da sinesmena, fedea edo jainkotasuna?

Ez dakit! Agian.

Utz bederen, garunetik kanpo, izpirituari gogartzeko unea.