39 Untziaren dilinda

Untziaren dilinda

 

Arroken artean ertzerantz irrika,
untzia badirits emozioz, malkoka,
begien argia, dirdirez, dardarka,
heriotzetik urrunduz, hilera arraunka.
Haize bortitzak giza-hautsez beterik, txistuka,
uhain aseak sabela hanturik, agurka,
itsaso amatik, sehaska, unaturik, nigarka,
lurrordera diritsan bizirik, iltzaturik, isilka.
Azken uhainak arroken aurka oihuka
gogorki, zurezko sehaska
dilindan, goizalba bustiari ozenki,
norbaitek dituen ortzargian begiak ireki,
erailez beterik baitago Europa, herratoki.
Arraunak airean azken indarrez, malguki,
lurraren ferekaz gozatuz, enbido ahulari! Eduki!
Uhain haziek harkaitzetan orroka hordago fermuki,
hankaz gora untzia dute betiko irauli, gaixtoki.

Izar helgaitza uretan da ito,
argi nahigarria itzali betiko,
itsasaldia aspaldi heziturik, txurien meneko,
itsasoa muturik itzal gosez zaie aseko.