NAFARROA            31/10                   Doinua lantzen

                                              

Erresuma ohietan, aro txinpartetan, argi izpia
Nafarroa, kondairaz harroa, zotinka euskal jatorria
erregeen sehaska eta lur herri xehearen kabia
zure lur ildoetan dasura  euskal nafar hazia

Herri multzoenganik, Eneko Aritzaren erresuma
beharrez eta giharrez eraikia, herri osoaren bilduma
Iruneko harresietan daltxa lehen aska marruma
etorkizunean bihur ez dadin  lurriniko inguma.

Arkaitzak amilka,Orreagako erroitz mendekarietan
Odolezko izua  etsaien korpitz eta bihotz itzalietan
Errolanen adarra zotinka oihartzun isil hotzetan
Karlomagnoren armada paregabeko lehertzeetan

Navas de Tolosan lorturiko askatasun kateetan
euskal erredola dager tente nafar gogoetan.
Zantxo azkarra azken euskal erregea leinuan
Foix, Champagne ta Albret aldabaka gure atean.

Arerioen sasi-argiak sartu Nafarroan itzela.
Amaiurko guduan, Kastillak ikurtu gure eskela.
Zinezko aberri, pizturik dirau euskal argiaren kandela
ta ibarretan ozenki euskal Nafar herriaren txanbela.