Urrun ilunean 1980

 

Urrun ilunean,zuhaitzen artean
Nigar dirdirez,oihan barnean...
Zer ote keinuka ari? Izarra!

Hurbilago,laino baten artean
Soineko xuria airean, soinean...
Zer ote deika ari ? Argia!

Baso barnetik,hor daukat gainean
Gizon galdu horren kandela beroa...
Zer ote bilaka ari? Bidea!

Biok elkarrekin , etsipen larrian
Nigar samina, bihotzean...
Zer ote ikerka ari? Bizia!

                                   Xubiltz