Amanita

                                                                                                              

 

                                                                      

Gernikako arbolaren ondoko perretxiko, berpizten hasiko

Enbor zaharrari ilauna kutxatuko, gero eta sakonago

ximikoz ernatzen, amanita bihurtzen, berde xuabeago

Gizarteak beharko lukeen hats / berriez nago puztuago

Desorekaren maisu izan nahi nuke , aurkari betiko.

Ohiko heziketaren harpetik, sentituz libreago

 

Banator, banoa, banago, banako, binako, launako 

topiko, tipiko, edo turistiko, tori ba ostiko

hiriko, bibliko, ohiko eta piko, estutu gerriko

bizkai gudari dantzaz, besoz eta hankaz, ezpata zorrotzago

Betiereko protesta dantzetan murgildurik, gero barneago,
errabiaren txistuak danborilean joka, adigai bainago
Dei nazazue otoi! Oraino ozenago! Gero ta gehiago
Amets ilusioan, bakarrik agian sarturik bainago
Bide harritsuan, maiz/ muturkatuz, karrasitan naiz igo.
Erroz goraren zurubitik hegaldakan, gero eta gorago

Banator, banoa, banago, banako, binako, launako

topiko, tipiko, edo turistiko, tori ba ostiko

hiriko, bibliko, ohiko eta piko, estutu gerriko

bizkai gudari dantzaz, besoz eta hankaz, ezpata zorrotzago

 

Topikoen semeez, ohituraren alabez gaur aspertuago
kloroformoz beterik, konformisten etxetik are t’ urrunago
dantzariz naiz bezti, amanitaz jantzi, gero ta askeago
Hitz ederrez , moral, sermoi, eta etikez, asperturik nago
erakaspen itsuez, aginduz ta ordenez, nazkaturik nago
Txontxongilo tiranoz , kuartelez, kartzelez okazturik nago

Banator, banoa, banago, banako, binako, launako
Topiko, tipiko, edo turistiko tori ba ostiko
Hiriko, bibliko, ohiko ta piko estutu gerriko
Arbolaren azpiko perretxiko, gero ta amanitago