Haurren eskerrak                           Doinua lantzen

Ene begietan dirdir ilunetan, itzal ortzadarra
Ene zainetan isur gabeetan, odol zirrimarra
Ene bihotzean ezin taupadetan, hatsaren indarra
Ene bekokien ximur ildoetan, malkoen marmara.

Zer duk nigarrez, zer duk hain ilun, esan adin niri
borborez hintzen jalgi orain aldiz hits eta nekez ari.
Zer duk xotinka, zer duk malkoka, aitor otoi eni
nahiz eta argia itzali, bizirik iraun eta eutsi nahi.

Ene begietan, dirdir pindarretan, argi ortzadarra
Ene zainetan, isur gorrietan, biziaren zirrimarra
Ene bihotzean taupada bizitan, hatsaren indarra
Ene bekokien ildo sakonetan, irriaren marmarra

Nola daiteke adinaren atea egotea irekirik?
Uste nuen aspalditik gakoa zegoela emanik.
Belaunadiz belaunaldi zebilela doluz beterik
“Egon bixkor aitaxi”, haurrek maitasun osorik.