Nere ama

Nere amak ez du titirik

ez alurik

ez bizirik

Zilo ilunetan dauka izana.

Zilo lehorretan dauka izena.

Nere ahotik ez da isuri esnerik

Nere burutik ez da isuri lingardarik

Nere izatetik ez da isuri amarik.

Ez naiz sortu!

Ez naiz hilko!

Bihotzarik gabe naiz eraikiko.

Goserik gabe naiz haziko

Plazerrik gabe naiz heziko.

Ez dut titiren beharrik

Aluren beharrik

Biziren beharrik

Ez eta ere amaren beharrik.

Gezurra!

Zer naiz bada nere haurrendako?

Zer zara bada enetako?

Esnerik gabe ditut haziko

Titirik gabe

Alurik gabe

Bizirik gabe ditut maiteko.