Poesía 2011 - 2012

32 Pizkor-IOI

 Pizkor

Ni ez naiz falderra,*1,

agian balderra,

bizkarrean daukat fardela,

eskutan bidaiako pardela,

nahiz eta hor familia,

hurbil ere farmazia.

feiros*2 bainago

haldo-maldoka*3 hemengo,

ziroka horko eta hango,

halere filus*4 nago oraino

firi-faraz*5 deusetik bizia sortzeko,

farra-farraz hitzak asmatzeko,

emeki-emeki ahultzen naizelako,

firlingatzen*6 nagoelako.

Eta fixt! Ximista baten pare,

ene foltsuak*7 iduri zuena bare,

furrintaka*8 hasi da jotzen ezkil eta gare.

*1 pobrea

*2 ahul

*3 ziroka

*4 jostagin

*5 ohargabean

*6 hariz hari desegin

*7 pultsoak

*8 hasarrez beterik