Orduaren oihala 6/07-28/07

                                                                                                                                                                                     

 

DENBORA PASATZEN ARI DA
LE TEMPS PASSE ET REPASSE
EL TIEMPO PASA

Orduaren orratzak  biziaren oihala  josten ari dira
hariak iruten, behatzak hegaldan, denbora jira bira. 
Jostuna da bihurtu  hiztuna, hizlari, harien firfira
goizalban argira baitager kondairaren mintzaira

Denboraren jostunak du iruna, ehuna
josia izana, esana ta entzuna
orduen oihala, oi lana, oi zama
orratzek dute josi denbora  gure ama

Goizeko oren batak josi nahi luke amaren sukaldeko zapia
ordu biak ileak heltzeko amatxiren mottoki xuria
Hiruak josia kopetako izerdia idortzeko oihal bustia
Goizeko laurak irun aitak gerla zikinan jasotako zauria.

Denboraren jostunak du iruna, ehuna
josia izana, esana ta entzuna
orduen oihala, oi lana, oi zama
orratzek dute josi denbora  gure ama

Bostak ama hil zaion haurrari mendratzeko negar gazia 
seirak, neguko hotza apaltzeko amonaren lepoko xuria
zazpiak zintzilik daukan baratzeko amantal berria
zortziak , eskuetan umeek  daukaten afal esku zapia

Denboraren jostunak du iruna, ehuna
josia izana, esana ta entzuna
orduen oihala, oi lana, oi zama
orratzek dute josi denbora  gure ama

bederatziak nekearen seinale, dazalenurteen bizi urria
hamarrak adin luze unatuaren ohiko orduen oihu  larria
hamaikak azken atsedenaren atean den auhen karrasia
gauerdiko ezkilak, etsiturik gelditu den ordularia.