Kattalin     

                                                                              

 

 Telesforo Monzonen hitzak

Mexikon argitaraturiko URRIUNDIK liburutik hartuak
Begiraleak elkarteak  berrargitaraturiko edizio berrian irakurriak.

Doinua: Xabier Soubelet

 

 

Ala haiz hi Kattalin

Artzain alaba

Begi eder urdin

Gariaren berdin

Ilea eta azala

 

Txabolaren aurre zaintzen

ibiltzen naiz

Bost anai ta artalde

Ta haiekin behera alde

Gero, negu gaiaz

Aizkorritik behera

Zegama kaleetan

Agertzen haizela

Ba zekiñat azkar

Elur datorrela

Ta haizela igarotzen

Zegamatik gora

herriak igartzen

Belardien baten

Irten dala lora

Zegamako umeen

Irakasle gazte

Gaixo, argal, herren

Apal…bertsozale

Kattalin du maite

 

Ta umeei galdetzen
Noiz duzue udazken

Eta hari iduritzen
bere maite ikusten

Menditatik jesten

Noiz al da udaberri ?

Galdetzen haurreri
ta iduriz ageri
bere maite garbi
doala goraldi

Herria isilik da
batorkio iluntzi
ta ilargiz betea 

Gero ager Ortzi

Urrezko izar- ontzi

Leihoa zabalik

Gau epel udara

Ta eliz kanpaiekin

Otoi datorrela

Gure irakaslea

 

Bertsoetan zebil

Ta idatzi ta urratu

Ezin zitun egin

Nahi ta ezin azaldu

Berte maitasun min

 

Igande goiz baten

Laguntzat makilla

Gaixo, bai zen herren

Irakaslea irten

Maitearen billa

Hanka gerri oker

Badoala gora

Nekez eginda leher

Belardian ager

Maitean txabola

Igande goiz alai

Artzai auzoan jai

Albokariari

Gazte taldea zai

Dantzan hastea nahi

 

Mutil bi horietan

Sasoidunena nor?

Hara, izardietan

Sua begietan

Nola dagozen hor

 

Gazteena aizkolari

Saioan txapeldun!

Oihu, txalo, irrintzi

Ta nexkatxen begi

Bere alde zitun

Mendi mutil eder

Albokalaria

Doinu jotzen ager

Harek erainda hasten

Danzan gaztedia

Dantzan haizean gain

Dabiltzala iduri

Dantzan haizean gain

Haien soina lirain

Ta abarketa txuri

 

Kattalin dantzari

Mendi lora garbi

Kopetan izerdi

Ahoan marrubi

Ileetan gari

 

Hara non dabilen

Aizkolariakin

Mutil zalu lerden

Nexka polit arin

Irakaslean min

Arratsalde hartan

Itun bere gogo

Zegama kaleetan

Isilik sartu zan

Irakasle gaiso

Ta gaua bertsoatan

Igaro ta gero

Goizaldi leihoan

Bere gaueko lan

Irakurtzen dago

 

Hator Oñaz arin

Hator enegana

Bihotzeko samin

Ez nauk egiten min

Enekin haizela!    

 

Jauna! Zurea naiz

Egina nauzun lez

Parre eraiteko naiz

Agure ume garaiz

Maitatzailerik ez

Hator Apaltasun

Eta jantzi nazak

Hator alaitasun

Apalaren lagun

Hire naiz!Harnazak

 

Behar banaiz egon

Zer den jakin gabe

Gazteen garai on

Hartuko det nere

Beste zorion!

 

Lalalalalalalala

Hitzak irakurri URRUNDIK liburuan