Poesía 2011 - 2012

 

Elkar begira

 

Insomnioaren bidean, iraganaren hautsak dira airatzen

Etxeko leihoan, izadiaren arima hasi da argitzen

Nor da bizi? Ni, ene laino sakonetatik legañez jalgitzen?

Bera, bere lanbro tinko eta xurietan itotzen?

Batek hitza hartzen, besteak hotsen artean, nahaski mintzatzen

Eta bitartean etxea lekuko, txapelgorri, begiak dirdirez ernatzen

Ontza baten pare, begira, nola oihana gizatzen

Inguruan, ihintzak bazterrak hezetzen.

Berinaren kontra, kopeta izerdi izoztuetan zait urtzen

Arnasa sakonez, lurratsez emeki dut hauspoz idortzen

Eta nere barneak kanpoari dio agur bat dantzatzen.