Ortzadarra

                                                                                                     

 

 

 

Itsasoa dago negarrez xotinka

Hondarra bustirik, malkoez indarka

Uhain xuria dantzatzen trumilka

Aparra hegaldan da airatuz ttanttaka

Negar malkoez hasi naiz kantuka

Hasi naiz kantuka. Oo, Oo, O.

 

Zure parez pare, etxean gorderik

Urduri ni bainago, so eginez leihotik

Zure hasarrea indarrez beterik

Zerua ilun-ilun hasi da engoitik

Enbata hauspoa ari da gainetik

Ari da gainetik, Oo,Oo,O

 

Ni Donibane naiz, kondairez betea

Lapurdiko herria, kostadun hezea

Bizirik iraun nahi dut, ene itsaso emea

Behin ito baininduzun, lekuko urpea

Lasai zaite otoi, bazter hasarrea

Bazter hasarrea, Oo, Oo, O.

 

Lohizune dut izena, eta izaitea

Euskalduna izan nahi, hori dut xedea

Itsasgora lagun, etorri maitea

Gure herria izan behar gurea

Argiz beterikan, hemendik aurrera

Hemendik aurrera, Oo,Oo,O.

 

Ortzadar ederra, orain da ageri

Argi zabala dakar, gurea da bizi

Itsasoa baretuz, eder jabalaldi

Donibane salbu da, eta Euskal herri

Etorkizuna guri, gora bizi berri

Gora bizi berri,Oo, Oo, O.