1975 - 1990 Olerkiak

Kantua

Hutsatik heldurik,bizigai argira
Jite laster baten alaba ederra
Bilusik dago oraindik xotinka
Gosez urraturik,amodioaren bila.
Azpiko nigar mikatzez haunturik
Soka batetik bestera zintzilik
Bizira orroka,ahurka heldurik
Antzinat badoa,uzkurki hutsatik.
Eskuin,ezker,hilargiz beterikan
Isilune larritik bixki beltzak dilindan
Txuri ezkibel hartatik,buru maingura herrestan
Argirat doazte irri alaiez,pozez daldaran.
Kantu berria badator uzkurki
Betiko bizira heldu da zuhurki
Milesker zuri andre ilazki
Kantuak har dezan biziko iduzki!
Ez da hilko kantu berria!
Bizira betiko aire larria!


Xubiltz