41 Nor gehiago maita

                                                                 Nor gehiago maita?

Desorekaren aitak ama orekarenganik datorrela badaki,

zinezko nahaslea izan nahi badu behintzat...

Nahasmenaren alabaren pare,

ordenaren semea desorekaren baitan bizi baita.

Nor ama? Nor aita?

Bost axola! Sorberriari giza izateko aukera ematen balitzaio?

Oroitzapena eskutik harturik, ausardiaz sorturiko esperientziari bidea irekiko lioke,

iraganez eginiko etorkizuna sor dadin,

balizko oroimen lainotsuez osaturiko gero ezezaguna sor dezan,

eta zalantza nagusi! Nor ez, nor bai?

Nor ama? Nor aita?

Nor gehiago maita?

Solfeorik gabeko txistu eta gaita.