42 Dibinoki errutsuak

                                                                                    Dibinoki errutsuak

Apokalipsia berdager,

hastapenaren kaosera itzultzeko irriskuz

mundua gogortzen ari da

bat bederaren gogormenaren arrazoinez

eta desordena instalatuta dago

dardarraren sorleei esker,

adiskide lagungaitzak

munduaren oreka zalantzan ezartzen dutenak

gizeraikin sozio jainkokeria dilindan jartzen dutenak.

"-Kontuz, jainko gaiztoak!"

dio munduaren atean dazal kartel aholkutsuak.

Lurrikaren indarrak

pultsioaren alabak

aita hiltzaileak, parrizida galantak

dibinoki errutsuak

etxe tinkorik gabekoak.

Zain ez dauden egileak

dira benetako jainkoak,

sortu zutena abandonatu dutelako

eta goiaitatzen zaiena bukagabea dago,

ez baitute inoiz bukatuko.