Euriari so

Ene kopeta unatuaren gaindi dasuren ur gazia,

Ez da izerdia,ez egia...

Ene larru ximurraren artetik dihoan ximist itzalia,

Ez da hotzikara,zinez ez da...

Ene bekoki ixurtuaren gainean dagoen ur xortatxoa,

Ez da ihintza,ez egia…

Ene beriñaren kontra finkatzen den buru apala,

Ez da arrotza,enea da...

Beriña lanbroxtuaren aurka nago

                        Euri tristeari so

                        Hor erdi lo.

Burua makurturik,begiak zitzorturik

                        Hor nago,euriari so

                        Betiko lo.

Lurrats hitsa ziztatzen ari diren begi ahulak

Eneak ote dira,bai ala ez?

Xirimiri kexagarri horren barrandan dauden ninikak

Nekaturik al daude biziez?

Nigar xortez pixkanaka ixten zaizkidan betazalak,

Biziaren txeka al daude hotzez?

Negu adiskidearen zain dabilen ene bihotz nagia

Darrai argirik gabe daldarez.

Beriña lanbroxtuaren aurka nago

                        Euri tristeari so

                        Hor erdi lo.

Burua makurturik,begiak zitzorturik

                        Hor nago,euriari so

                        Betiko lo.