Oteiza eta Txillida

Marik morroiak baditu, bat Odei, bestea Eate,

bainan inoiz lekua kendu nahi ez diote

Oteizarena, Txillidak ote ?

Ziur, Donostian izozki eta txokolate.

Bainan kafea hobe!

Zarautzeko kafe bortitz eta dotore.

Bizia, itsasoa. Ua!

Jeinua, erasoa. Ua!

Harrile, otsoa. Ua!

Filosofoa eta teologoa.Ua!

Maisua! Ua, ua!

Batzuek badute suertea,

agian, hiritarrak izatea?

Fama laster hartzea,

itsasoak bezala, bere ertzea.

Nik nahiago herria

txikia,

garbia,

egia,

bitxia,

beria,

enia

eta behingoz, Jainkotik aparte

adora daitekeen gizakia.

Eskerrik asko Oteiza!

Alzuza eta Eguesko iza!

Hiria bazterturik,

Kontxaz nardaturik,

suetaz nazkaturik,

antiñoñosturik,

poderea ukaturik,

aske sentiturik!

Bainan hara non beste harrileak,

Diputazioko herri ukatzaileak,

Baskoniaren hausleak,

ile hartzaileak,*

Nafarroako kateen ahanzleak,

Kate berrien emaileak

euskal arimaren suntsizaleak,

oihal horiaren eransleak,

Oteizaren baliazaleak,

Joseba Arregiren adiskideak,

Jorgeren irrizale trufatzaileak

eta hainbeste ta hainbesteak...

Eta abuztuko giro epelean, izozki bat eskutan,

Donostiko bulevarrretik paseatzen bainabil,

mingaina hezerik, han, haizeak orraztatzen diren bitartean,

plagioen liburua daukat gogoan eta bat-batean,

Corpas Mauleon holaketalka agurka,

familian. Mierda!

Nola adierazi Jorge gogoan dudala

eta Nafarroari, Euskal Herriaren amari bere obra utzi ziola,

Injuria-enekoek ukatu baitzutela.

Eta besteek, beren Navarra benditaren obra bihurtu,

berena, Navarrrrrra, española gurtu....

Isilik egotea hobe, egia

aprobetxa dezala hurtzen ari zaion izozkia.

* Hispanismo hutsa, “tomar el pelo” esalditik hartuta.( se moquer des gens)