Lurrama maitea

                                        Lurrama maitea  Am 

                                                              

                                                                          

Hegaldakan nago aire irauli honetan
Hedoietik gorantz  laino hauntuetan
Arnasa ezin harturik, haize etsaietan
Birikak eta odola gaisorik zainetan
Gizaki salduari zigorra bota nahi
Inork gehiago ez dezan egin blai     
hasarre hasarre, lurrama maitea.

Xirimiri ta erauntsi ditut prest ta gertu
Mundua hankaz gora labaintzen ari zaigu
Hauspoaren indarrez nahi nuke salbatu
Hats har dezagun garden, sano eta puru.
lurrazala arrizkuz berotzen ari zaigu
Planetaren heriotza gainean dugu
Aire, aire, lurrama maitea

Gorantz begira, zeruzola urratua
Behera so eta lurrazala kaskatua
Bide erdian gasa ketsuz kutsatua
Hormak urturik dantzut uhainen orroa
Basoak  sutzen ari, dusainat errea
Mundua hiltzen ari, itsua geroa
Erne, erne , lurrama maitea

Nori zigorra ta nori makila
Gizakiaren diru goseari, urde zakila
sortzearena ahanzteko, arrazoin mila.
Ez morrontzari, ez gara hilko  ez nago hila
Gau iluna baztertuz goazen gaur argira 
Gizakiak pozik bizitzeko, , goaz bizira.
Ahalke, ahalke, lurrama maitea

Gizaki salduari zigorra bota nahi
Inork gehiago ez dezan egin blai 
lurrazala arrizkuz berotzen ari zaigu
Planetaren heriotza gainean dugu
Basoak  sutzen ari, dusainat errea
Mundua hiltzen ari, itsua geroa
Gau iluna baztertuz goazen gaur argira 
Gizakiak pozik bizitzeko, goaz bizira.
Maite maite maite, lurrama nerea