Bat bitan banatzen da

Garunetik urrun dauden muinekin

pentsatu beharko litzateke,

gorputzetik banandurik egon litekeen izpirituarekin.

Bitartean, dualismoa baztertuz, ireki dezagun sentsazioaren atea

hori da aurreikusiekin hausteko bidea

zientzia eta garraztasunarekin moztea.

Ez baita komeni bat soilik ukaitea.

Espresioa eta izatea elkartzea da irtenbidea

eta banandurik zeuden bi zutabeekin etxea eraikitzea

bat bederaren egoitza altxatzea,

Solfeoari interpretazioak lekarzkiokeen funtsaren antzekoa

apaindura soilik ez baita

esaldiari doinua dagokion bezala

forma funtsa bihurtzen delako

izpirituaz egindako muina

pentsamenduz osaturiko garuna

espresioz beteriko nortasuna

eta Plast! Orroa!

Bihotzak adimena hausten duena.

Itxura dirudien funtsak muin oinarri bihurtzen duena

garunetan dabilen arrunkeritik urruntzen dena

oreka den desoreka legetzat hartzen duena.

Bat bitan banatzen dena.