38 Gaua ez dinat maite

                                                                Gaua ez dinat maite

Noek :

« Gaua ez dinat maite,
argirik gabe pizten duneleko,
Koloreak itzaltzen ditunelako,
untzia ilunik dazalelako,
ni ez naunelako.
Ez naunen bestea pizten zaidalako
agian horrengatik ardoa dartinat lekuko,
atzo, gaur , bihar, hordi frenetiko
eta jainkoaren egoitza gorderik betiko.

Darwinek, urertzetik :

Uholdez uholde bazoaz
terrorista supremoaren mutil gozoaz
ene semeak untziratu dituzula popaz
kreazioa ukatuz argiz eta eboluzioaz
ni nauzu
ni naizen besteek lan lizunetan badoaz
sabela beterik ximinoz, emeak orroaz
Jainkoaren agindua beterik, oinaze jaioaz.